O BNG de Outes organiza unha mesa redonda sobre o aproveitamento forestal no concello

O BNG de Outes organiza para este venres, 1 de marzo, unha mesa redonda sobre o aproveitamento forestal no concello. O acto terá lugar ás 20:30 no apartado da Casa Amanda e contará coa presenza de persoas expertas no ámbito e que, segundo din, aportarán diferentes puntos de vista.

Intervirán:
    -María Xosé Suárez — Candidata á alcaldía
    -Mini Rivas — Deputado no parlamento galego
    -Ovidio Queiruga — Presidente da Com. De montes de Baroña
    -Xose Alfredo Pereira — Org. Galega de Com. de Montes
    -Álvaro Dosil — Vicepresidente de SOMOSCuns
    -Teodoro Rey — Membro da cooperativa Tres Fuciños

Dende o BNG de Outes cren que este é un acto moi importante e interesante para toda a veciñanza do concello.

María Xosé declarou que “unha das nosas metas principais é conseguir que o monte do noso concello estea coidado e xere riqueza para toda a veciñanza dun xeito sostíbel, ecolóxico e responsábel coas variedades autóctonas.” tamén quixo facer fincapé na necesidade de “apostar polo noso concello, temos un potencial enorme que só está agardando por un goberno competente e con ganas de traballar”.

Deixa unha resposta

O teu enderezo electrónico non se publicará Os campos obrigatorios están marcados con *